Un popular aplicacion Chines di date pa lesbiananan a wordo cera, hunto cu su website y e principal cuenta riba rednan social, na mes momento cu Taiwan ta celebra dunando parehanan di e mesun sexo e derecho di casa, e prome pa haci esaki na Asia.
E aplicacion, Rela, lanta na 2012 tin ron di 5 miyon usuario registra.
Pero siman pasa, usuarionan a ripara cu e aplicacion, hunto cu su website Weibo, no tabata accesibel, segun usuarionan cu tabata post ariba Weibo, usando e hashtag #rela y #relahasbeenblocked.
E servicio a wordo temporalmente suspendi pa motibo di un ahuste importante den servicio”, Rela a comunica na su usuarionan riba su aplicacion di WeChat.
Hopi ta e lesbiananna cu ta sintinan discrimina cu e medida aki.
No ta cla e motibo pakico Rela a wordo cera.
Den pasado, gobierno a blokia sitionan cu e ta haya cu por bay contra di e partido Comuista or ta un menasa pa stabilidad, incluyendo websitenan occidental manera Facebook, Google of Gmail.
Na China no ta ilegal pa ta gay, aunke e pais ta haya cu homosexualidad ta un enfermedad mental te cu 2001. Varios ciudad grandi tin varios actividadnan homosexual, pero ainda tin personanan individual cu ta enfrenta e presion familiar pa casa y haya yiu.
Activistanan homosexual a bisa cu actitudnan profundamente conservativo pa cu homosexualidad den cierto partinan di sociedad a contribui na e ceramento gubernamental di tur loke tin di haber cu homosexualidad, p.e. Website, nightclub, etc.
Fuente: www.reuters.com