Manera masnoticia.com a publica den siman ( aki relato ) cu tin casonan iregular ta andando den Cuerpo Policial cu ta dañando e imagen y integridad di e cuerpo y awe Cuerpo Policial ta informa di dos Polis cu a comete delitonan na pia di trabou.
For di algun tempo caba e departamento di BIZO di Cuerpo Policial ta investigando dos polis femenino despues cu keho a drenta relaciona un cu ta tuma placa y otro leak cierto informacionnan di un caso.
Cuerpo Policial den un comunicado ta informa lo siguiente:
Caso 1: Den cuadro den un investigacion interno. Cuerpo Policial Aruba kier a informa cu ayera diaranson 24 di oktober 2018 e agente policial di inicial P.A.Kock.Goede. a wordo prohibi pa drenta wardanan di polis. ( polis aki un tempo tabata den K9 Unit, y OT cu ta departamento cu ta observa personanan sospechoso, pero debi na cierto cosnan a pone bay un departamento pa finalisa pa deprtamento di rijbewijs )
Cuerpo Policial ta para pa siguridad, servicio, integridad, vigilancia y disponibilidad. E pueblo mester por sinti su mes sigur y mester por conta cu e experticio, ayudo profesional y e profesionalismo di nos organisacion policial.
( esaki ta relaciona cu cierto casonan di informe cu ta bou investigacion )
Den e di cos caso Cuerpo policial ta informa lo siguiente:
Den cuadro den un investigacion interno. Cuerpo Policial Aruba kier a informa cu awe diahuebs 25 di oktober 2018 e agente policial di inicial S.L.Mercelina.U. a wordo deteni.
Cuerpo Policial ta para pa siguridad, servicio, integridad, vigilancia y disponibilidad. E pueblo mester por sinti su mes sigur y mester por conta cu e experticio, ayudo profesional y e profesionalismo di nos organisacion policial.
( segun nos fuentenan relaciona cu tumamento di placa y ta haci negoshi cu baricada durante ora di trabou haciendo comosifuera ta di Gobierno y posibel sacamento di auto for di warda.)