SAN BRUNO, Merca- Polis di San Bruno a ricibi varios yamada via e liña di emergencia 911, desde e sede di YouTube, informando di tironan tumando luga, segun e alcalde Connie Jackson na CNN.
Autoridadnan a responde cu’n despliegue masivo di polis”.
Un empleada di YouTube a bisa na CNN cu el a wak un persona cu un impacto di bala den e patio unda cu nan ta come. El a bisa cu tabata tin disparonan activo. Polis di San Bruno a bisa cu a trabes di Twitter ta responde na un tirador activo eynan.
Tin 4 pa 5 pashent riba caminda pa hospital Stanford, e centro medico a confirma. Ta desconoce nan condicionnan.
San Bruno ta keda pafo di San Fransisco.
Un trahado di YouTube a logra sali safe for di e edificiio di e sede di YouTube na San Bruno, unda cu tabata tin un tirado activo.
Google a manda un tweet cu e ta trahando cu autoridadnan pa atende cu e incidente.
Fuente: https://edition.cnn.com/