MELBOURNE, Australia- Al menos un persona a muri y dos a resulta herida, despues di cu’n homber a hinca varios peaton den e ciudad Melbourne. Autoridadnan ta trata e caso aki como un incidente terorista.
E atacante a ricibi un tiro den pecho ora cu e tabata purba hinca dos polis, despues di a herida tres persona den e caya hopi concuri Bourke Street, y despue el a muri na caminda pa Royal Melbourne Hospital, segun e portal di noticia News.com.au.
“E caso ta wordo trata como un incidente di terorismo”, e comisario di polis di Victoria, Graham Ashton, mientras cu na principio a descarta cu esaki tabata tin cualke relacion cu algun accion orkestra.
“Awo nos sa un poco mas di e identidad di e persona. Inicialmente, e persona no tabata tin ningun identificacion, pero nos ta kere cu awo nos tin confirmacion di e identidad di e persona”, el a splica.
Ashton a manifesta cu e unidad di lucha contra di terorismo ta investigando esaki y cu no por duna mas detaye riba e identidad di e atacante.
E homber a yega Australia procedente di Somalia den e decada di 1990 y cu tabata un conoci di polis, el a agrega.
E atacante a sali di un auto na candela despues di cu aparentemente el a dal contra di un shopping mall den Bourke Street, cerca di e parlamento di estado di Victoria.