HAMBURG, Alemania- Un persona a perde su bida diabierna na Hamburg, Alemania, na momento cu un homber a drenta den un supermarkt y a cumisna ataca hende. Den e atake aki seis persona a resulta herida, di cual un ta grave.
Polis Aleman a detene e sospechoso di 26 aña y a descarta cu por tin mas sospechoso.
Si a avisa e poblacion pa no yega cerca di e sitio di e sucedido. Agentenan fuertemente arma tabata tin e luga cordona.
Motibonan di e atake ainda no ta conoci cerca polis, apesar cu un atraco, e prome hipotesis cu autoridadnan a pensa, a wordo descarta. Un canal di television Aleman a entrevista un testigo, kende a declara cu un homber tabata zwaai cu un cuchiu y a grita “Allahu akbar” (Dios ta grandi), pero esaki no por a wordo confirma door di polis.
Despues di e atake a homber a huy den direccion di un station di metro.
Segun vocero di polis, ciudadanonan a sigui e homber y despues a logra domin’e. E sospechoso tabata tin heridanan leve na su curpa. Durante e forceheo e di seis persona lo a resulta herida.
E victima di 50 aña a muri durante e atake den e supermercado.
Fuente: http://www.msn.com/nl