SAO PAULO, Brazil- Un persona a muri y cinco otro a resulta herida diahuebs den un candela grandi den un fabrica di materialnan reciclabel na Aparecida de Goiania, den e estado Brazilero de Goias (centro), bomberonan a informa.
E candela a cuminsa despues di un explosion den e compartimento di gas di un forklift, segun e compania.
Bomberonan a haya e curpa carbonisa di un persona y a rescata cinco otro persona cu bida, a pesar di cu nan estado ta critico, ya cu algun di nan nan curpa tabata 80% kima.
Mas di 50 bombero a traha pa controla e candela, pa cual nan a uza inicialmente 15 mil liter di awa, segun e portal G1.
“Nos ta trahando pa e candela no bay over na e otro areanan”, e compania a bisa den un comunicado.
E compania cu ta opera e fabrica EcoVr, a lamenta profundamente e sucedidonan, y a bisa di lo brinda tur e apoyo necesario na e colaboradornan cu tabata den e local, na momento di e candela, como tambe famia di e trahadonan”. Tambe el a mustra su disposicion di coopera cu autoridadnan pa e causa di e candela.