TEXAS, Merca – Un brote di salmonella relaciona cu calacuna curo a mata un persona y mas di 160 a bira malo, den varios estado di Merca, faltando algun dia pa celebra Thanksgiving.
E Centronan di Control y Prevencion di Malesa diahuebs siman pasa den un comunicado a bisa cu 164 persona den 35 estado a wordo infecta cu e brote di salmonella desde 5 di november ultimo.
Mayoria di casonan a wordo raporta na Minnesota, Illinois, California, New York y Texas.
Mas di 164 persona a bira malo, 63 a wordo hospitalisa y un pashent na California a fayece. CDC a bisa cu e tabata por a identifica un solo proveedor di calacuna curu of kalakuna bibo conecta cu e bacteria, indicando cu e brote lo a extende den e industria di kalakuna.
E bon ta, cu CDC no ta avisa su consumidornan pa evita productonan di calacuna totalmente den e dianan di fiesta aki. En cambio, e organisacion ta recomenda consumidornan pa ta cauteloso cu kalakuna curu y pa sigura nan mes cu e ta full cushina, pa evita contaminacion.