Despues cu e van di Aruparking a keda pega na candela diabierna pasa di 1 or marduga dilanti nan oficina na Wilhelminastraat. Video a keda entrega na autoridad unda recherche di Oranjestad tin e caso aki bou investigacion.
A capta con un persona masculino flaco cu un boter y paña den su man cu posibelmente e likido tabata gasoline y asina tira esaki riba e tire di e van y pege na candela.
Esaki a sucede na unda cu e tanki di gasoline ta, posibelmente e persona aki lo tin un rabia riba Aruparking y tabata kier a kima full e van y porta asta haci daño na e edificio. Pero si ningun hende a wak esaki lo por tabata un explocion grandi debi cu e tanki di gasoline tabata full.
E caso aki ta den man di recherche debi cu tin grabacion unda camaranan di sigurdad den bisindario a capta tur movecion.