MARGARITA, Venezuela – Un ciudadano a crea alarma den e aeropuerto Santiago Mariño na e isla di Margarita, obligando un ciere temporal.
Na principio a trascende cu e problema tabata den un avion di Aeropostal, pero finalmente a aclarea cu ta trata di un homber cu a menasa cu rementa e avion si en breve e avion no a lanta vuelo.
Aparentemente e avion a keda para riba e pista pa un rato largo y e temperatura halto a haci cu e pasahero a consumi.
Ta sigura cu e persona lo wordo procesa pa interferencia ilicito, ya cu e situacion a activa e protocol di siguridad y e avion a wordo manda pa e zona X pa su chekeo, segun e procedimentonan corespondiente.
E vuelo mester a wordo evacua siguiendo e protocolnan di siguridad, segun Aeropostal a informa riba Twitter.
E avion a cubri e ruta Porlamar-Valencia.
Fuente: El Universal