Internacional: Un pasahero na South Korea lo a habri un porta di avion durante vuelo na South Korea lagando aire fuerte drenta y laga otro pasaheronan y trahadonan abordo spanta. Otro pasaheronan a purba di stop e sospechoso pero no a logra na tempo y e ta logra habri e porta di emergencia.
Na momento cu Asiana Airlines ta baha, autoridadnan a detene e sospechoso debi cu el a viola reglanan di seguridad di aviacion. E vuelo tabata na ruta pa Daegu Airport cu ta keda den region di Korea. Na momento cu e sospechoso lo a habri e porta di emergencia, e avion tabata riba un haltura di 700-ft mientras e tabata preparando pa baha na Aeropuerto.
12 pasahero a resulta herida debi cu e biento fuerte a drenta avion y a wordo transporta pa Hospital, y poco di nan cu dolor di horea y problema di hala rosea.