Un pais Centroamericano lo por keda sin riu

0
RBC Juli 2018
Funmiles-2018

SAN SALVADOR, El Salvador – E Ministerio di Medio Ambiente y Recursonan Natural di e pais Centroamericano ta hibando un campaña pa planta 5 miyon mata dene pais.

Al menos un dozijn di riu den e zona oriental di El Salvador a seca debi na e falta di awasero den e pais Centroamericano.

Ta trata di riunan cu “pa e epoca aki di aña semper tin awa y e aña aki ta un excepcion”, segun Roberto Ceron, gerente di Hidrología di e Ministerio di Medio Ambiente y Recursona Natural (MARN), entidad cu a ricibi informacionnan di e red di observadornan riba e caso aki, segun La Prensa Grafica a informa.

Segun Ceron, e registronan ta mustra disminucion di te cu 90% den e stroom di e riunan di oriente. Esaki ta e caso di e riu Torola, cu tabata tin un sekia similar na 2015 y 2016. E stroom di esaki ta di mas o menos 40 m3 di awa pa seconde.

Na final di juli, MARN a informa cu e falta di awasero den e pais lo sigui den e lunanan di augustus, september y october. A pesar di cu e di nuebe luna di aña ta esun cu mas awa ta yobe, den gran parti di territorio Salvadoreño, ta previsto cu na 2018, awasero lo ta di 45% menos di e promedio.

Algun di motibonan señala door di MARN ta cu e fenomeno El Niño desaroya “di debil pa modera” y un lo haci mas frieu, esun mas halto desde 1984, den oceano Atlantico Tropical Norte y lama Caribe. Esaki ta altera e temporada di yobida y e desaroyo di ciclon tropical.

Planta 5 miyon mata

MARN ta hibando un campaña pa planta cinco miyon mata na El Salvador cu e obhetivo di afronta e cambio climatico , causante di e falta di awasero den e pais.

E campaña ta un iniciativa di e Conseho Nacional di Sustenibilidad Ambiental y Vulnerabilidad (Conasav), cu ta contempla e plantamento di mata den e zonanan mas destrui di e pais.

Comments

comments

C: Heineken
new india