Diasabra pasa di 7 or mainta ambulance y polis a keda despacha cu urgencia banda di Eagle Beach unda lo tin un dama banda di lama tapa cu paña di mesa di un restaurant cu ta keda den hotel area pero tabata tin sanger riba esaki. Na yegada di autoridad banda di Eagle Beach a topa di berdad cu e dama benta abou riba santo blanco cu e paña di mesa rond di dje y e dama tabata sin paña. A lanta duda cu algo no ta bon y lo por ta indica cu posibel caso di violacion por a pasa cu e dama aki mas trempan y a keda laga benta atras.
Di biaha personal di ambulance a atende e dama y a keda transporta pa hospital. Mas trempan den oranan di marduga lo tabata tin un caso similiar den e area aki y area di hotel cu dama ta raporta na autoridad di un caso di violacion. Na e restaurant polis presente a topa cu mesnan reboltia y a notifica recherche di e caso. Un di e damanan den e caso di marduga pa mainta di violacion cu a keda sin paña atras a entrega denuncia na autoridad di su caso. Esaki tin e debido atencion di parti Cuerpo Policial. No por papia si ta papia di mas cu un hende homber den e caso aki.