Dave Barkemeijer di Meteo Aruba a duna di conoce diaranson atardi cu nos ta den temporada di Horcan y ta cosnan masha normal cu ola tropical y ta drenta pasa parti di caribe. Ola tropical a drenta parti oost di caribe y a pasa diaranson treciendo humedad y posibelmente yobida.
Den ora menos spera di diaranson e tempo a pasa y trece basta nubia riba Venezuela y algun tempo a los y bin den direccion di Aruba y nos a haya awacero tambe. Chens cu lampe y strena por ta den oranan di marduga pa diahuebs mainta. Sr Dave a menciona e condicion di lama generalmente lama tabata te modera pero ora di haya cu awacero pisa y tormenta electrica laman ta bira localmente bruto y ta baha bek. E ola tropical a pasa Aruba bay for di merdia pero e instablidad a keda atras y esey a causa cu nos a haya awacero, nubia.
Un biento fuerte tabata tin ultimo dianan, Sr Dave a menciona cu e presion den caribe ultimo dianan tras di lomba tabata grandi y esaki dialuna no tabata e caso mas y e downdraftnan cu nos ta haya ora di awacero ta pone cu biento ta aumenta principalmente den rafaga y prome cos den yobida bo ta haya un aire fresco y duro y tur coslo calma.