Nombramento di Obispo ta cay bou di Papa di Roma. Tempo cu Msgr. Secco a wordo nombra, pa reemplasa Msgr. Ellis, a nombra un Obispo Cajautor. Ta presenta tres number na Nuncio, cual ta wordo yama Terna. Tres number cu niun hende no sa ken nan ta y asina ta kies un Obispo. Pader Jairo di Parokia di Santa Cruz ta splica mas ariba esaki.
Aclamacion popular no tin influencia. Nombramento di un Obispo ta algo delicado cual Roma ta hopi serio cun’e. Tres nombernan ta bay aden y despues ta bay investiga e personanan pa loke ta virtudnan, edad. E ora Roma ta tuma e decision. Ta keda na e Papa pa tuma e decision y na e canditato mester acepta. Sa pasa cu papa di Roma ta scoge e Obispo y asina e Obispo lo mester acepta un orden directo. E Obispo ta tuma posesion di su Dioscesis y su cathedral, cual ta e Catedral di Pietermaai.
Si yega asina leu, cu mester kies un Obispo, no precisamente cu e mester ta un yiu di tera. Den historia di Obispado di Willemstad, a conoce dos Obispo local. Tabata Obispo Msgr. Zeppenfeldt cu tabata un Arubiano y Msgr. Ellis, cu ta un yiu di Corsou. Despues di esey no a conoce un figura Episcopal yiu di tera. Pero no necesariamente, un yiu di tera mester yega na dignidad Episcopal. E por ta simplemente un pader cu ta wordo scogi door di Roma.