MANAGUA, Nicaragua – Diahuebs Nicaragua ta cumpli tres luna den su crisis mas sangriento desde e decada di 1980. E crisis a cuminsa cu manifestacionnan contra di un reforma di siguridad social y cu a comberti su mes den un grito nacional cu ta pidi e salida di e presidente Daniel Ortega, paralisando e pais.
Despues di 92 dia, Nicaragua ta conta cu 351 persona morto, segun cifranan di organismonan humanitario, miles di persona herida, denuncia di “desaparicionnan forsoso”, mas di shen persona deteni y miles pidiendo refugio na su bisiña Costa Rica.
Diaranson cientos di miembroann di e “forsanan combina” di e gobierno, a celebra, cu canto y muscia, e toma di control di Masaya, unda cu diamars a benta e baricadanan abao y a kita e frasenan contra di president Ortega.
Agentenan di Polis Nacional, polisnan paramilitar y antimotin a conduci un operativo yama “Operacion Limpiesa”, cu a consisti di benta tur e blokeonan abao, y elimina cualkier rastro cu por recorda cu e pueblo a declara su mes “teritorio liber di e dictador”, haciendo referencia na Ortega.
Fuente: Los Tiempos