PHILADELPHIA, Merca- Pasaheronan a bordo in un vuelo di Southwest Airlines cu destino Dallas, diamars a lucha pa debolbe un muhe a bordo di e avion despues cu el a wordo chupa pa un buraco causa dor di un bentana destrosa, segun testigonan.
E muhe tabata sinta na banda robes di e avion ora cu algo di e motor aparentemente a kibra y a dal contra di e bentana. El a keda colgando di e buraco pa varios minuut, segun pasaheronan cu tabata sinta net patras di e victima.
Varios ta e pasaheronan cu pa basta rato a purba trece e muhe bek paden di e avion, te cu dos homber a logra trece e muhe bek na su asiento.
Un verpleegster a practica CPR ariba e victima.
Director ehecutivo di Southwest, Gary Kelly a bisa cu famia di e victima tabata e principal preocupacion di e aerolinea.
E victima a wordo identifica como Jennifer Riordan, un afiliado di CNN. Riordan di 43 aña tabata traha na Wells Fargo na Albuquerque, New Mexico, según e station a informa.
Esaki ta bira asina tambe e prome accidente aereo domestico den nuebe aña, e National Transportation Safety Board (NTSB) a bisa
Shete persona a wordo herida pero no tabata necesario pa wordo hospitalisa. E NTSB a declara cu e avion tabata tin 144 pasahero abordo, mas cinco miembro di tripulacion.
E piloto a logra baha e avion di un manera sigur, pa asina e pasahero herida por a wordo atendi. Mas laat a drenta e noticia di cu e pasahero a fayece.
Autoridadnan federal a bisa di cu e accidente ta bou di investigacion.
Despues di e incidente e pista di aterisahe a keda cera pa dos hora.
Fuente: https://edition.cnn.com