DACA, Bangladesh- Un olifante tur spanta a drenta den un campo di refugiadonan na Bangladesh, cual por cierto ta esun mas grandi na mundo. Den esaki un mucha di 9 aña a perde su bida.
Y esaki no ta e prome biaha cu esaki ta pasa: al menos 12 persona a muri door di entrada di e animalnan salvahe aki, desorienta.
Den e campamento aki tin cerca di 700 mil refugiado Rohingya cu a scapa di e conflicto den e pais bisiña Myanmar (Burma).
E campamento, den e districto di Cox’s Bazar, ta wordo considera esun di mas grandi y mas densamente pobla. E ta ubica den e ruta migratorio di e olifantenan.
Autoridadnan ta buscando pa train algun persona pa nan ta capaz di guia e olifantenan aki, cu ta spanta y desorienta, pafo di e campo.
Fuente: http://www.bbc.com