A puntra Sra. Nathalie Marjorie Tromp, di Centro di Famia di Criansa Arubano e actitud di e muchanan ta uno sano of si esakinan ta muchanan cu problema. E ta amplia mas ariba esaki.
E muchanan hopi biaha ora nan ta den internado, nan ta cu mas mucha cu tambe a pasa den situacionnan fastioso. Pero ora nan bay den Famia di Criansa, y nan ta haya atencion individual. Famia ta wak cosnan cu ta pasa cu e mucha, sea su comportacion of cosnan den e parti di salud. Hopi biaha ta bati alarma, cu e ora eynan, sea e mucha ta haya un ayudo extra, manera un psycholoog, un ortopedagoog of un dokter.
Pero no ta tur mucha mester di esey, Sra. Tromp a enfatiza. Tin mucha cu ya caba, cu e cariño, atencion, disciplina y structura cu nan ta haya den un famia, ta yudanan bay dilanti den desaroyo.
Y ta esey ta loke e Centro Famia di Criansa kier pa e muchanan. Nan no kier muchanan cu ta den un internado y nan ta keda pega. Un mucha semper, maske con poco poco cu e por ta, semper ta desaroya. Y ta esey ta loke nan kier pa tur e muchanan. Tambe esunnan cu ta den internado. Pa nan conoce kico ta un famia. Kico ta un famia stabiel. Con e ta sinti pa tin un hende cu ta para bo tras y ta pushabo bay dilanti. Den internado bo ta haya muchanan tambe cu tin edad pa bay scol, y nan ta bay scol normal, aunke cu nan ta den un internado, segun Sra. Nathalie Marjorie Tromp, directora di Centro Famia di Criansa Arubano, a splica.