SPOKANE, Washington – Por lo menos un persona a fayece y tres a resulta herida despues di un tiroteo cu a sosode na un scol secundario di e estado di Washington (noordwest di Merca), e medio local, The Spokesman-Review, a informa, citando como fuente, e comisario di polis di e condado di Spokane, Ozzie Knezovich. Concretamente e tiroteo a tumal uga na e scol Freeman, di Rockford, un pueblo chikito cu ta mas of menos 500 kilometer oost di Seattle, e ciudad mas grandi e estado.
E oficina di e comisario di e condado di Spokane, caminda cu Rockford ta ubica, a sigura den declaracionnan na medionan local, cu e sospechoso di e tiroteo a wordo deteni.
Diferente imagennan publica riba rednan social a mustra e servicionan di emergencia, acudiendo na e luga, mescos cu varios grupo di mayor na porta di e centro, sperando noticianan riba nan yiu.
Previamente, e comisario di Spokane a comunica atrabes di su cuenta oficial di Twitter cu e scol Freeman a wordo clausura pa motibo di e tiroteo y cu e perosnal medico y di siguridad a bay pa e centro educativo.
“E siguridad di e studiantenan ta nos prioridad number uno,” e oficina di comisario a afirma. “Nos ta compronde cu e mayornan ta extremadamente preocupa. Nos lo proporciona informacion encuanto ta posibel. Por fabor, evita e luga aki,” el a añadi.
Fuente: www.efe.com