Por lo menos seis persona, cuater hende homber y dos hende muhe, a wordo alcansa pa tiro durante un tiramento registra dialuna riba e dek di line 4 di e stacion di metro di Mount Eden Avenue, ubica na The Bronx, di e ciudad di New York, Merca, segun e medionan local.
Segun e fuentenan policial cita p’e corant New York Post, tur e victimanan tabata adolescente entre 12 y 17 aña cu a wordo hiba na un hospital di e zona, caminda un di e menornan, cu tabatin un herida di bala na su cara, a fayece. Ta asumi cu e heridanan di e otro cinco victimanan no ta di gravedad.
E Autoridad Metropolitano di Transporte di New York, a informa cu e treinnan di liña 4 a wordo desvia y ta circula via un ruta alterno, mientras cu Polis ta efectuando un investigacion pa clarifica e detayenan di e incidente.