Na estado di India meridional di Andhra Pradesh ta informa cu tin un persona cu a fayece y otro 200 persona cu ta den hospital debi na un malesa cu no ta identifica. E malesa a keda detecta na e ciudad di Eluru.
Eluru ta un ciudad anticua y famoso pa nan producto di artesania. For di e dia cu e pashentnan a cuminsa experimenta sintoma di ta nausea y ansiedad, te cu perdida di consciencia. Un hende homber di 45 aña di edad a keda hospitalisa cu sintomanan similar na epilepsia y nausea, el a fayece diadomingo anochi, asina a informa agencia di noticia Press Trust of India.
Trahadonan di salud ta purbando di determina e causa di malesa. Te cu awo, a haci test di awa na zona afecta pero no a mustra señal di contaminacion. E oficina di minister principal a bisa cu persona cu no tin vinculo cu e suministro di awa, tambe ta birando malo.
Pashentnan cu a bin dilanti ta di diferente edad y a duna negativo pa e test di Covid-19 y otro malesanan viral manera Dengue, Chikungunya of Herpes.