Despues cu e presidente nobo di Merca, Donald Trump a firma e decreto pa cuminsa saca tur persona ilegal fo’i Merca tur pais rond di mundo ta riba un bista con ta bay sacanan. A cuminsa usa avionnan militar. Algun pais e.o Colombia a manda e avion bek cu tur e imigrantenan cu a keda treci nan pais bek pa Merca. Nan ta haya loke Trump ta haciendo ta inhumano.
Tin un lista di 1.445.549 hende cu mester wordo deporta pa Trump/ ICE. Honduras tin e mayoria di 261.000 ora bo ta kere cu lo ta Mexico pero nan ta na e di tres uga cu 252.000 persona ilegal na Merca. Pa loke ta esnan cu ta biba den Caribe, Haiti ta esun mas halto cu 32.000.
Den e lista Aruba su nomber tambe a sali cu dos persona indocumenta na Merca. Por a mira cu, Boneiro y ni Curacao no a sali den e lista.
U.S Immigration y Customs a traha un fiscal rapport di resultado 2024 cu 103 pagina. A informa detayadamente di tur casonan di crimen cu a tuma luga rib’e pais cu hendenan di afo. Den dje tambe Aruba su nomber tabata aden, unda cu ICE mester a saca hendenan foi e pais.
Na 2019, a saca 1 Arubiano, na 2021 a saca dos Arubiano y na 2023 a saca un Arubiano.
Medianan internacional ya a cuminsa saca e noticia di nan ciudadanonan cu ta ilegal na Merca, ya cu e lista a bira publico.
Den e rapport di 2024 Conslucion di ICE tabata lo siguiente:
Den FY 2024, ICE a keda compromete na proteha Merca atraves di criminalidad, investigacionnan y enforsamento di leynan di migracion pa conserva siguridad nacional y siguridad publico. Dor di fortalese asosiacionnan cu partnernan federal, estatal, local y internacional, ICE a traha pa atende menasanan cu organisacionnan criminal transnacional ta trece cune, trafico di hende, y e ilegalnan movecion di droga, arma y otro contrabando. Den FY 2024, ICE a confisca mas cu 1.6 miyon liber di narcotica y a yuda mas cu 800 victima di traficacion di hende. ICE tambe a proteha e patria dor di aresta y kita no-ciudadanonan cu a daña siguridad publico,
siguridad nacional, y e integridad di leynan di inmigracion di Merca. Den FY 2024, ICE casi a redobla e
cantidad di kitamento cu el a conduci compara cu FY 2023. Adicionalmente, durante henter e aña fiscal, ICE a mantene un enfoke riba transparencia y eficiencia cu su stakeholders, haciendo esfuerso pa mehora su operacionnan atraves di tecnologia innovativo manera e ICE Statistical Dashboard nobo, y dor di
realineando strategicamente su programanan di comunicacion externo pa responde na e desaroyo domestico
y retonan internacional. Mirando den FY 2025, ICE ta keda dedica na proteha Merca dor di garantisa cumplimento cu leynan di inmigracion y sostene e nacion di Merca ophetivonan di siguridad den liña cu e micion di e instancia.
