Diahuebs atardi ultimo, Stichting EPB a formalisa e “Onderwijs & Examenregeling” (OER) pa cu su opleidingnan nobo. Un trabou cu a dura 2 aña, caminda diferente docente y directiva a traha intensivamente, den colaboracion cu Departamento di Enseñansa y Inspectoria. Esaki sigur ta un momento di celebracion!
Den e OER por haña tur informacion necesario encuanto un opleiding: su programa, minutentabel/rooster, planning di toetsen y examens, etcera. E opleidingnan nobo di EPB ta ekivalente na e opleidingnan MBO 2 di Hulanda.
E OER ta un di e rekesitonan cu EPB mester cumpli cune, pa por obtene un “Erkende Opleidingscode” serca DUO na Hulanda. Esaki ta nifica cu e diploma di e studiantenan por wordo registra den e sistema na Hulanda, cual lo habri mas porta pa nan den futuro.
Na augustus 2022 EPB a start 4 opleiding nobo:
All Business Services (nivel 2)
Gastheer/-vrouw (nivel 2)
Helpende Zorg en Welzijn (nivel 2)
IT Medewerker (nivel 2)
Na augustus 2023 a añadi 2 opleiding nobo:
Monteur Elektrotechnische Installatie (nivel 2)
Kok (nivel 2)
Na augustus 2024 EPB ta desea di por habri e siguiente opleidingnan:
Timmeren (nivel 2)
Medewerker Service Gebouwen (nivel 2)
Bakker (nivel 2)
E proposicion aki ta serca Minister di Enseñansa pa aprobacion.
Directiva di EPB ta hopi orguyoso y ta felicita henter e comunidad di EPB cu e gran logro aki.
02|02|2024