ITALIA – Nairo Quintana a culmina un Giro d’Italia pa enmarca. E tabata protagonista di principio pa fin. Esun bisti na roos a yega na e ultimo etapa, pero manera tabata di spera, den contraholoshi individual, Tom Dumoulin a demostra cu esey ta su specialidad y a supera e Colombiano, kende mas leu di a perde e camiseta di lider, el a realisa un enorme fraccion y por a mantene su mes riba e podium, cabando e centenario di e competencia Italiana, na di dos luga.
Dumoulin tabata e miho di tur y esey el a ratifica diadomingo. El a saca e diferencianan den dos contraholoshi y a defende miho cu ningun hende cada biaha cu el a wordo ataca riba sero. Di e manera aki el a converti den e prome Hulandes di ta e campeon di e Giro.
Dumoulin tabata yega na e contraholoshi final cu 53 seconde di retraso cu respecto na Nairo, a recupera e desbentaha danki na un gran presentacion den e fraccion y a caba revalidando su faboritismo.
E Hulandes a caba e Giro d’Italia cu 31 seconde di bentaha riba Nairo y cu 40 secunde riba Nibali mientras cu e otro Hulandes, Jos van Emden, a seya e miho tempo cu 33:08 minuut, siendo e vencedor di etapa.
Dumoulin a demostra su metamorfosis como ciclista, door di por a resisti den un Giro hopi montañoso, ora cu a considera cu e perfil aki tabata rest’e hopi opcion di bringa pa e victoria, vooral contra e escaladornan manera e Colombiano Nairo Quintana.
Su caracter fuerte y decidido, cu tin biaha tabata mustra arogancia pa algun rival, tabata ti hopi di haber, pa desesperacion di su adversarionan, cu a fada cun’e, vooral pa su tactica den e final den e di 18 etapa, na Ortisei. Dumoulin a apoya den coredornan di otro ekipo y a controla na medida di lo posibel Quintana y Vincenzo Nibali, pa por a resisti.
Su cualidadnan fisico tambe a cambia y e por a permiti nan evoluciona. El a traha hopi y bon pa mehora riba sero, ganando potencia, pero sin perde efectividad den e contraholoshi, unda e ta un di e mas fuertenan di e momento.
“Den bida tin hopi cos sorprendente,” Dumoulijn a bisa durante e Giro aki. Su trayectoria ta prueba di esey: cu 19 aña e no a wordo finalmente selecciona pa estudionan di Medicina cu el a solicita. “E tabata door di un sorteo, debi cu e cantidad di cubo tabata limita,” el a puntualisa.
Fuente: www.elespectador.com