BOGOTA, Colombia – Autoridadnan di Colombia a reporta dialuna, e morto di un guerillero, e captura di cuater y a demobilisacion di otro 24 miembro di Ehercito di Liberacion Nacional (ELN) den dos operacion realisa noordoost y west di e pais.
E Gobierno di presidente Juan Manuel Santos y e guerilla ELN lo cuminsa negociacionnan formal di paz dia 27 di October proximo na Quito, Ecuador, unda cu nan lo instala e mesa publico di combersacion.
E prome operacion a wordo realisa contra “e comision di orden publico y di e finansas di e frente Jose Adonai Adrila Pinilla,” den e municipio di La Salina, departamento di Casanare (noordoost), caminda cu un guerillero a resulta morto y cuater captura, tres di nan cabes, e Ehercito a indica den un comunicado.
Entre e capturadonan ta figura “Julian”, cabes di e comision di finansas, “Lucho Chino,” Cabes di e comision di orden publico di frente y un homber, kende a resulta herida y a wordo identifica como “Paton”, cabes di e escuadra, e fuente a divulga.
Den un di dos operacion, e Armada Colombiano (marina di fuera) a reporta e demobilisacion di 24 miembro di e frente Cimarron di ELN, den un parahe selvatico di e departamento di Choco (west).
“#Atencion@armadacolombia a logra e demobilisacion di 24 integrante di e Frente #ResistenciaCimarron di #ELN na #Pizarro#Choco,” ministerio di Defensa a indica riba su cuenta di Twitter.
Fuente:NTN24