Mas di 100 spraycans a wordo uza pa trece back un imagen cu a keda cerca e formacion artistico Street Art Chillango, na momento cu nan ta pasa dor di e cayanan di Mexico. E mirada vivaz di wowonan cu a capta e atencion pero cu tabata bisa tur loke ta rondone. Pobresa, abandono, no obstante cultura, dor di su bisti colorido y folklorico.
Un memoria cu a keda den e camara di Jenaro y semper a keda e idea pa un dia pinta esaki back y purba di haya atravez di e pintura e wowonan precioso di e mucha bunita.
Na momento cu e mural di e edificio Pepsico na San Nicolas a wordo manda, y e storia di San Nicolas a ser conta, e tres muralistanan a dicidi cu Aruba lo ta e lugar ideal pa inmortalisa e imagen cu semper a keda persigui nan.
E popularidad di Aruba lo por percura pa e imagen biaha rond di mundo en busca di e protagonista. E nostalgia di e cayanan di San Nicolas ta scirbi claramente den e wowonan bunita pinta.
Y e colornan di su bisti ta refleha e calor di Aruba su hendenan, e cultura cu ta wordo busca y e beyesa unico y original di loke Aruba ta representa.
E formacion Street Art Chillango, De Rosenzweig Dyckhoff Jenaro, Revilla Navarette Alejandro yFigueroa Baretto Andrick Alberto, for di Mexico ta artistanan respalda pa e Gobierno di Mexico como embahador di Arte Mexicano cu ta conta cu e sosten pa biaha y laga e Arte di Mexico atras y asina aumenta e popularidad di tur loke ta cultura y arte di e nacion aki.
Procedente for di Avenida 5 de Mayo den e centro historico di Mexico, e formacion aki desde cu e ta funda na 2013 ta fungi como agencia local y internacional pa artistanan di Street Art y ta miembro di FCMN Fondo Mexicano pa Conservacion di Naturaleza y ENAP Escuela nacional de Artes Plasticas. Nan obranan y di tur cu nan ta representa ta forma e base pa tournan turistico cu ta aumenta mas y mas diariamente. Na unda ta duna splicacion di cada pieza y ta forma un tour urbano dor di e cayanan pa 3 ora largo. Aumentando asina un 84% di turismo afluente amante di Arte.
Aruba, ta conoce un motor asombroso den e tres grandinan aki y ya caba un tratado a ser firma pa intercambio di artista local pa traha un di e muralnan den colaboracion na Mexico, hibando y traspasando asina e fronteranan artistico.
E Trabao “Bunita” a tuma 10 dia di labor intenso, semper iniciando pa 6 or di mainta pa scapa e solo cu tabata fuerte y e biento cu no tabata na beneficio suplando e spray den tur area. Intercambiando cada vez di specialidad, e formacion Street Art Chillango ta laga atras un obra cu lo tin un significacion pa un y tur. “Na momento cu bo topa cu algo importante den bida, bibe, no lage pa mayan, e oportunidad lo no ta warda.”
Aruba Art Fair ta yama Danki na tur esunnan cu a confia den e iniciativa di trese Arte pa Aruba di un manera diferente. Y Danki na Aruba cu a responde, elogia y respalda nos artistanan local y Internacional.
Mas cu claro Aruba Art fair no por tabata posibel sin e sosten di Ministerio di Cultura y Minister Otmar Oduber, Aruba Tourism Authorities, TPEF, Departamento di Cultura, UNOCA. AAA, CMB, AIB, PWC, Sjiem Fat Laywers, AIS, Ecotech, Superfood. Hotel partners Renaissance Resorts , Divi Divi Resorts y La Cabana Beach & Racquet Club. Na cuerpo Policial y Brandweer Aruba masha Danki. Bishita www.arubaartfair.com .pa mas potretnan y video.