Diaranson den oranan di merdia e tristo noticia a drenta cu e periodista di decadanan sr. Angel Coronel a bay sosega. Pa algun aña e ta sufri di un kebrante di salud serio y ultimo luna el a keda na cama debi cu e cancer a bira mas poderoso. Angel Coronel a cuminsa den mundo di radio emisora na Radio Kelkboom el a cuminsa den principio di decada ‘70 of mas prome.
Tambe Angel a traha na radio Caruso Booy cu tabata 102.7 FM y Radio Carina yama La Maxima cu tabata na comienso di e emisora cu tabata e frequencianan di 97.9. Angel a traha tambe na Diario y na Telearuba. Tambe Angel Coronel a traha cu un di e periodistanan grandi na Aruba cu ta sr Johnny Habibe cu ta gerencia actual di Hit 94.1 y 88.1, ambos a traha na Radio Carina hunto cu Win Donata cu ta propetario di Latina 92.3 y asina a sigui crece den e mundo di periodista na Aruba y a traha na Galatica como reportero riba caya. Den ’90 Angel a traha na Corant Corant. Angel Coronel a traha cu hopi otro periodista y gerencianan di radio emisora na Aruba. Angel nunca tabatin problema cu su amigonan cu tin diferencia di color politico, el semper a trata tur como un bon amigo y te hasta den e mundo di prensa e tabatin varios colega cu tabata otro color politico y nunca a bira enemigo di ningun.
Palabra di profundo condolencia na su famia den e momentonan dificil aki.