Diabierna marduga riba caminda di Tanki Leendert net na e rotonde a sosode un accidente cu cuatro envolvi. Tur cuatro auto a keda basta kibra, un nissan cube a presenta na e sitio cu grupo di persona y a baha for di auto y cuminsa bringa cu tur e chauffeurnan na e sitio. E chauffeurnan a sali na defensa di nan mes y a cuminsa bringa bek cu e grupo, pa despues e grupo bandona e sitio. Polisnan a yega pero a topa cu solamente e victimanan cu a keda atras cu ta e chauffeurnan, tur herida debi na e pelea y cu golpi di e accidente. Ambulansnan a presenta pa atende cu tur victima, polis a bay warda cu dos chauffeur cu tabata bebi. E chauffeurnan a keda conseha pa duna denuncia na recherche di e caso, y specialista di trafico a presenta pa haci nan investigacion.