Colombia- Segun informacionan oficial , ta trata di un desaster natural cu a pasa den oranan di madruga 11 di December den e barrio “Flores de Buenaños” na Colombia. Mientras cu e tur hende den e cas tabata drumi un montaña a bin abou ariba un cas familiar unda tabata biba un pareha cu cuater yiu.
E team di rescate a logra haya e 4 victimanan kendenan a wordo identifica María Teodora Mena Urrutia, di 38 aña, José Emilio Palacios Palacios, di 42 aña, Maribel Palacios Mena, di 3 aña, y Tihago Emilio Palacios Mena, di un aña. Tambe a haya dos menor di edad, uno di shete aña y e otro di cinco aña cu tambe ta forma parti di e mesun famia aki. E dos muchanan si a sobrevivi e incidente natural aki.
E departamento cu ta studia areanan di naturalesa, despues di a haci evaluacion di e tereno a menciona cu a pesar cu tin mas cas den bisindario e ta un lugar de riesgonan halto.