CAPE CANAVERAL, Florida – Un explosion a distrui diahuebs un racket di SpaceX cu tabata riba e plataforma di lansamento na Cape Canaveral, e compania aeroespacial a confirma.
El a sosode den e compleho di lansamento espacial 40, segun Stephanie Martin, di Informacion Publico di Centro Espacial Kennedy.
SpaceX ta uza e base aki pa manda racket cu ta hiba provision na e Estacion Espacial Internacional, manera satelitenan. SpaceX no tabata tin un lansamento planea pa e mainta di diahuebs.
CNN a bay den contacto cu SpaceX pa mas detaye di e suceso, pero ainda no a haya contesta.
“SpaceX por confirma cu den preparacion pa algun prueba diahuebs, tabata tin un anomalia riba e plataforma cu a resulta den e perdida di un vehiculo y su cargamento. Pa e procedimento standard, e plataforma a wordo evacua y no tabata tin herido,” vocero di SpaceX Phil Larson, a bisa.
E presidente di SpaceX CEO Elon Musk, a tweet cu e explosion a sosode mientras cu e racket taata wordo carga cu combustibel, pero cu e causa ainda ta desconoci.
E ekiponan di respuesta di e base ta trahando pa confirma si tin herido, Brian Purtell, funcionario di informacion publico di e di 45 Space Wings, a bisa.
Fuente: CNN en Español
- Latest
