FLORIDA, Merca- Un homber di 56 aña a wordo aresta na Florida, relaciona cu e campaña di bomnan manda via post, dirigi na e criticonan di presidente Mericano, Donald Trump.
Autoridadnan Mericano a identifica e homber como Cesar Sayoc, bisando cu lo por tin mas aresto.
Presidente Trump a bisa cu e actonan tabata algo “despreciabel y no tin luga pa actonan asina den nos pais”, y a priminti “husticia rapido y sigur”
Diesdos pakete a wordo manda den e dianan aki na figuranan manera ex Presidente Barack Obama y actor Robert de Niro.
E dos ultimo paketenan a wordo haya na Florida y New York City diabierna.
E incidente aki ta bin faltando menos di dos siman prome cu e eleccionnan midterm, cu politiconan grandemente polarisa.