Sr. Rudy Geerman, voorzitter di Sociaal Economische Raad durante e celebracion di 30 aña di existencia di SER a conta cu den e temporada como miembro y presidente di e organo di
conseho el a mira hopi desaroyo positivo y profesionalismo den henter e organisacion. Entre otro, un team mas amplio di beleidsadviseurs, un productividad mas halto basa riba un cantidad mas halto di consehonan, ampliacion y diversidad di temanan di conseho cu
importancia pa nos comunidad y na e momento aki SER a bolbe dal un stap dilanti pa medio di lansamento di su website.
No obstante e trabaonan no ta cla y e Sr. Geerman a vocifera su pensamentonan relata na e futuro di SER esta pa logra independencia di SER como órgano di conseho cu por maneha su mesun ‘begroting’ igual na e otro coleganan organonan di conseho, E rol cu SER lo por tin pa sostene nos parlamento cu ta yuda forma y controla maneho social economico di gobierno, como tambe ‘di ki forma SER, banda di ta ser envolvi den posibel solucionnan, tambe por wordo envolvi den definicion di problemanan y retonan socio economico di nos comunidad’.
Por ultimo el a expresa su deseo profundo pa mira Sociaal Economische Raad como organo di conseho, gosa di e respet mereci pa su tarea y balor agrega den nos comunidad.