Oxana Shachkó, un di e tres co- fundadonan di e movemento Femen a comete suicidio den su apartamento na Paris. Otro representante di e movimento, Inna Schevchenko, a confirma e noticia aki.
Algun hora prome, algun medio ya caba a informa ariba esaki, citando un mensahe ariba rednan social.
“Oxana Shachkó a comete suicidio awe, 23 di juli, den su apartamento na Paris. Polis Frances a caba di hiba e curpa pa haci autopsia”, un di su amigonan, Paris Burns, a skirbi riba Telegram dialuna anochi. Di mes manera, el a agrega cu e muhe a sobrevivi varios intento anterior di kita su mesun bida.
Causa di e suicidio aki no ta conoci.
Dia 21 di juli, Shachkó tabata tin su ultimo post ariba Instagram, unda ta aparece e palabranan “you are fake” (‘bo ta falso’) riba un background blanco.