NEWARK, Merca- “Nos a perde un miembro di nos famia”, e doño di e cacho a sigura. El a exigo pa haya e culpabel di e incidente.
Delta Air Lines ta investigando e morto di un cacho di 8 aña durante un escala na e aeropuerto Metropolitano di Detroit. E mascota tabata biahando cu su doñonan den un avion cu a sali for di Phoenix rumbo pa Newark.
E Pomeriano, yama Alejandro a wordo haya morto diaranson mainta den un instalacion di carga di airport.
“Ora cu nos a yega Michigan, 6 or y 30 di mainta, ainda e tabata bibo. Y ya pa 8 or y 20 di anochi e no tabata move mas. Esaki simplemente ta incomprendibel”, segun Michael Dellagrazie, doño di e cacho. “Nos a perde un miembro di famia. Esaki ta exactamente loke a pasa y un hende mester asumi su responsabilidad”.
Delta a splica cu’n stewardess a check e cacho rond di 6 or di mainta. E asistente a bay bek dos hora despues y e cacho ya caba tabata morto. E aerolinea ta “hibando un investigacion profundo di e situacion pa haya mas informacion riba kico por a sosode y pa garantisa cu esaki no pasa mas”, Delta a bisa den un comunicado.
Famia Dellagrazie ta wordo representa pa e abogado Evan Oshan, cu a atende un caso similar cu e doñonan di un puppy di bulldog Frances, cua fayece na comienso di aña. Un stewardess di United Airlines a exigi e doño pa pone e kennel di e cacho den e parti ariba, di maleta di man.
“Mi ta kere esaki ta bay mas leu di e mascotanan”, Oshan a comenta. “Mi ta kere cu esaki ta e forma unda cu aerolineanan, esunnan comercial en general, ta trata hende. Nan ta trata hende di un manera horibel”.
Fuente: http://www.telemundo.com/