Un bon inversion pa pone rond di dak pa colecta di awa ta yuda cu plantacion

Sra Nathaly Maduro di Santa Rosa a toca e tema di plantacion, unda Santa Rosa mes ta pone hopi enfasis riba sistemanan cu ta ser mira den caribe y afo y tin compania local ta instala gootnan y Santa Rosa mes a pone gootnan na tur rond di e dak di e edificio y un dia di yobida e tanki di 10 ton a yena completo. Esaki ta duna indicacion si bo tin un sistema instala pa gara cualkier yobida y esaki ta yudabo colecta awa y bo por muha bo matanan. E no ta solamente pa esnan cu ta planta pero na negoshinan y esnan cu ta cuminsa cu nan cas, bo pone un goot maske e ta un inversion y ta algo cu por yudabo planta, planta mata cu ta produci, fruta, berdura y ta algo cu bo por benificia di dje. Sra Maduro a menciona mayornan cu ta sin trabou y muchanan cu falta di alimentacion sano y semper bo por aporta na esaki na comunidad pero imporante ta pa hacie awor, inverti pone goot rond di e dak y probecha planta.

Si bo tin cunucu y a ripara cu algo a bayendo robes cu e plantacion cu mata ta muri of na cas por yama Santa Rosa nos tin coleganan cu por haci e bishita y tira un control. Awendia tin hopi hende no a realisa cu nan por planta y cuanto cos nan mes por produci y no perde e animo y ni e gana y ta algo lo aporta na bo salud, y ta yuda e parti financiero tambe.

Nos tin cu wak e parti di nos piscadonan, unda fuel no ta algo barata y horarionan largo riba lama Sra Maduro a pidi pa ban sostene nos mes un hendenan local pa asina nos por sigui come sano.

Comments

comments