TRASH STORE a ricibi un coleccion impresionante di moda pa e ser femenino cu mas curva. E siman aki e boutique ta celebra “Dress Week” caminda cu ta pone enfasis ariba e bisti. Moda ta celebra un di e aspectonan mas dominante di e industria. E bisti, den tur forma y estilo, ta definitivamente e “fashion item” mas remarcable pa siglonan caba. TRASH STORE ta participa na e celebracion aki cu un coleccion impactante di bistinan pa tur ocasion. For di casual te na cocktail y formal e boutique a caba di ricibi coleccion nobo. “Nos ta conoci pa e uso di esampado. Print sigur ta un punto climactico den nos coleccionan pa e ser femenino” director creativo di TRASH, Ronchi De Cuba, ta comenta. Actualmente e boutique a caba di ricibi bistinan representando tur e tendencianan mas aplaudi na nivel global. Mester remarca cu TRASH STORE semper ta percura pa trece moda pa tur size, tur gusto y siguramente pa tur budget. E boutique situa na Sibelius Straat 8 na playa ta ofrece amplio parkeer plaats y ta habri di 10’or di mainta pa 7’or di atardi non-stop. TRASH tin su propio website tambe www.trashbyronchi.com caminda cu tur orders realisa ariba e website ta wordo entrega gratis te na cas of trabao. E website tambe ta duna opcion pa paga cu credit card, cash on delivery of swipe na momento di entrega. Pa mira mas di e coleccion y comunica directamente cu e team di TRASH STORE por bishita nan pagina Trash By Ronchi ariba Facebook.