HONOLULU, Hawaii- E riunan di lava di Kilauea na Hawaii ta basha bay den Oceano Pacifico. E ta produci vapornan acido cu ta sumamente venenoso, pa cual e intensidad di e volcan ta mantene un peliger potencial pa e habitantenan di e isla.
E particulanan di lava y nublina ta biaha a trabes di aire, ta genera complicacionnan y lesionnan riba cuero y na wowo.
E emergencia ta cumpli casi tres siman desde e prome erupcion di e volcan, cual a laga varios cas kima y miles di persona evacua.
E Agencia di Defensa Civil a alerta den un comunicado cu a lava cu a sali for di e buraconan a atravesa un planta geotermico cu ta suministra mas o menos 25% di e energia pa e habitantenan. E funcionarionan tin miedo cu e lava sigui bay den direccion di un di e tunelnan di e planta, cu esaki lo por provoca e liberacion di waterstof sulfide. Esaki ta un gas “peligroso” pa hende.
Fuente: INFOBAE