Diaranson mainta Central di Polis ta manda un patruya pa un control adicional, relaciona cu un detencion cu a tuma luga den oranan di anochi, pa un caso di kiebro. Polisnan a controla den vecindario di Bakval, tambe Saliña Cerca number 35, unda cu e denunciante lo a wak e auto sospechoso. Aki polisnan ta bin topa cu un trapi na e banda pariba di e percela. E trapi tabata poni na un manera cu por a subi bay na e di dos piso. Polisnan a dicidi di controla e area unda cu a wak e cabayero subi auto. Aki a nan ta bin topa cu un cabayero cu ta di vakantie aki na Aruba y cu ta kedando na Boardwak appartment complex. El a declara cu el a haya un email di un colega polis tocante su laptop horta. A tuma su datonan y a mande pa e team di kiebro cu ya caba tabata na altura di e esaki. Polis toch a dicidi di haci un control mas profundo pa si ta haya mas articulonan. Na entrada di e boshi mata a bin haya un leesbril, cu tambe tabata pertenece na e articulonan horta. Polisnan a tuma e bril den beslag y a traha un pv over di esaki.