Ya ta varios ocasion, den vecindario di Marine Verlof Centrum cerca di Eagle Beach tin varios di nos bishitantenan ta bira victima di ladronicia. Y esey ta pone hende pensa cu e modus operandi aki ta bin di un solo persona of grupo di persona y ta pon pa pone atencion riba e hechonan aki. Si mira bon tambe, esaki ta sosode casi diariamente, caminda cu turistanan of nos tin cu tribi di bisa, hasta localnan ta bira victima di ladronicia, djis pa pone tas of pertenencianan na canto pa bay dal un landa bin bek. Awo e pregunta ta keda si nos ta atento caba di e ola di ladronicia cu ta tumando luga, cuanto mas vigilante mas nos mester ta pasobra awo a para bira cu ni landa hende por bay landa mas, sin ta preocupa cu cosnan ta wordo horta.
A pasa cu diamars, pa mas of menos 1’or di merdia, a wordo yama na warda di Strandpolitie y a pone comandante na warda na altura cu lo tabata tin un otro ladronicia na altura di Marine Verlof Centrum Tulip riba e beach su dilanti. Eynan a papia cu e dama P., kende a declara cu el a pone su tas marca Prada bao di un palabra riba beach. Djey el a drenta awa. Ni un mey ora despues cu el a bin bek, desconocidonan a bay cu su tas cu contenido aden. Keho a wordo tuma.