Bou iniciativa di Comision di Mayor e docentenan di Filomena College mavo ta ofrece espacio di parkeer bo auto den nos cura di scol, durante e Parada di Luz na San Nicolas. Aña pasa e comision a haci’e pa prome biaha y el a resulta den un exito total, ya cu for di oranan tempran di anochi, e plenchi di scol a yena completamente. Mirando e bon uzo cu scol a haci di e fondo recauda, un biaha mas a dicidi pa traha un anochi,
Ya e ticketnan a sali caba y si ainda bo no tin bo ticket, percura pa bo por cumpr’e na scol diahuebs y diabierna ainda durante e oranan di scol, ya cu no ta reserva ticket. Prijs ta solamente Awg. 15,- y ta tambe por cumpra e ticket cerca cualkier di e docentenan y asina bo por ta completamente sigur y confia, cu bo auto ta den bon man. E mesun docentenan conhuntamente cu algun mayor, lo bisti e pechi di siguridad pa cuida e autonan y asina garantisa cu e doñonan por disfruta plenamente di e Parada di Luz y haya nan auto sano y salvo na final.
Porta ta habri ya for di 6:00 di atardi, unda cu ya caba por bin para bo auto pa solamente 15 florin y bo ta aporta cu fondo pa scol. Pues sea bo ta den grupo of bi djis kier bay wak y disfruta di e ambientoso Parada di Luz, probecha di e siguridad maximo aki y para bo auto den cura di Filomena College mavo diabierna awo.