Si pa Ateliers ’89 fundacion y Academia di Bellas Artes Aruba ta un gran placer pa trece e artista di fama internacional Arnar Asgeirsson di Islandia.
E maestro artista aki ta un persona simpatico cu semper ta entrega su mes pasionalmente na su workshop y participantenan pa crea algo fuera di lo comun.
Na otro ocasionnan Arnar a yega di duna exitosamente workshopnan di dibuho y animacion y e biaha aki e lo duna un workshop di grafiti o con pa pinta un mural.
Si Dialuna awor dia 13 di November 2017 pa 6.30 – 9.30pm, nos ta cuminsa cu e workshop aki, y ainda tin luga habri. Arnar manera mi a bisa caba ta un gran artista multidisciplinario y un super hende mes y ta bin Aruba pa di tres biaha. P’esey no perde e oportunidad aki pa comparti y siña con pa traha un mural. Pa inscribi yama awor na 5654613 o 5885776 o e-mail na [email protected]