NAIROBI, Kenia – Durante un atentado terorista noordoost di Kenia diahuebs mainta, por lom enos seis morto a cay. E atentado aki a wordo efectua door id e grupo terorista di Somalia, Al-Shabaab, cu ta liga na Al-Qaeda.
E atentado a tuma luga na Mandera, un ciudad isola na frontera entre Somalia y Etipioa. Pa 2’or di marduga hombernan arma a invadi un compleho di vivienda caminda cu obreronan for di pafo di e region ta keda. Na Mandera e victimanan mas tanto ta Christiannan, cu ta blanco di e Musulmannan radical.
No Musulman
E atacantenan tabata manda explosivonan na e heki di e compleho aki. Despues a surgi confrontacin cu trupanan di siguridad. No tabata cla kendenan tabata e victimanan. Al-Shabaab tabata tin otro accionnan dentro y rond di Mandera, en particular riba hendenan no-Musulman.
Kenia ta wordo tormenta pa accionnan terorista di Al-Shabaab desde 2011, ora cu trupanan a wordo manda pa e pais bisiña di Somalia. Durante un invasion di e grupo tres aña pasa riba e Centro Comercial Westgate na Nairobi, 70 persona a fayece, tambe durante atake aña pasa riba un Universidad na Garissa, sigur 148 persona a perde nan bida.
Desde algun luna pasa, e ta relativamente trankilo. Esaki ta bin mas parti sigur door di e envolvimento mas efectivo di e aparato di siguridad Keniano. Militarnan a ehecuta un exitoso operacion den e parti noord oost di e costa contra unidadnan di guerilla na Boni. Na Somalia mes Al-Shabaab a infiltra bek.
Te asina leu Al-Shabaab no a wordo derota. Na Somalia mes, nan a wordo cori for di partinan grandi di e nacion, pero e grupo terorista ta ehecuta casi tur siman atentadonan den e capital Mogadishu. Na frontera cu Kenia, e grupo ta haci “prikacties” y a secuestra te asina leu dos agente policial Keniano.
Refugiadonan Somali
Al-Shabaab enfaticamente kier haci e frontera uno insigur pa evita pa Kenia manda refugiadonan bek na e parti zuid di Somalia. Kenia ta alberga ya pa 25 aña cientos di miles te cu un mey miyon di refugiadonan Somali Dadaab, e campo di mas grandi di refugiado na mundo. E Gobierno na Nairobi kier laga cera e campamento. Hunto cu Nacionnan Uni nan kier pa fin di e aña manda tur refugiado pa Somalia.
Segun organisacionnan di ayudo internacional, esey ta un plan irealistico y tambe autoridadnan local na Sur di Somalia ta bisa cu e luga ainda ta insigur y cu tin poco facilidad pa asina ricibi e refugiadonan.
Ta keda pa e Gobierno di Kenia, na beneficio di trankilidad y siguridad evita un frontacion cu Al-Shabaab, vooral na e frontera. Tambe tin un interes grandi politico. E Gobierno fragil di Somalia, lo bay tene eleccionnan presidencial y di Parlamento. Shabaab a hura cu e eleccionnan lo bay wordo sabotia cu violencia.
Fuente: NRC