Cuater persona a fayece despues cu un avioneta di air ambulance a cay diahuebs mainta den un zona di sero di e municipio Santa Rosa de Osos, na Antioquia, Colombia.
Aeronautica Civil, organismo estatal di aviacion, a informa cu nan ta investigando causa di e siniestro hunto cu e Direccion Tecnico di Investigacion di Accidente.
E avion, cu a sufri un problema tecnico y a cay abao, tabata di e “tipo Beechcraft C90 King Air cu matricula HK4684.” Riba e dia aki nan tabata brindando servicio di ambulance den e departamentonan bisiña di Cordoba y Antioquia.
E fayecidonan, segun un comunicado di Aeronautica Civil, t’e piloto, e copiloto, un dokter y un nurse cu tambe tabata biahando abordo. Nan nomber no a wordo difundi. E miembronan di Fuerza Aerea Colombiana y di e Grupo di Buskeda y Rescate Aeronautico di Colombia a bay n’e zona.
Riba e rednan social, e usuarionan a comparti imagen di un video, registra riba un distancia hopi cortico, di un explosion di e restonan di e avioneta, cu tabata kimando den un area habri.