Un auto (nobo) por keda un periodo di 3 aña si keur

Un auto por keda un periodo di 3 aña sin keur, pero despues di esey cada 2 aña, pa autonan particular. Sr. Lito Lacle, vocero policial ta amplia.

CONTROL
Cuerpo Policial a tuma contacto cu DTI pa controlnan mas estricto, mescos cu nan tin bon comunicacion cu DIMP pa controlnan mas estricto. Si mester duna boetnan ‘volle pond’. Si tin mas auto cu tur nan papelnan na ordo, por evita mas accident di pasa.

Warda di Polis ta limpi bek. Awo tin luga pa un par di 100 auto wordo poni na Warda di Polis Balashi. Awo cu e controlnan ta sigui, chens ta grandi cu polisnan lo tuma autonan den beslag.

MOTIBO PA KITA AUTO
Sr. Lacle a sigui bisa, cu keurmento kiermen e auto ta den bon estado. Den caso cu e auto no ta den bon estado, por sosode cu e auto por wordo hiba warda (Balashi) te ora cu yega na un solucion pe. Esaki semper tabata den nos leynan, pero Cuerpo Policial mester maneha segun su forsa. Poco tempo ey no tabata tin luga pa pone autonan. Y awo tin luga suficiente pa hinca algun 100 auto.

NUMBER FALSO
Entrante 1 di januari, DIMP a bin cu’n plachi number nobo, cu ta e plachi oraño, di metal. Esey ta loke mester ta ariba e auto. Tur otro ta castigabel. Consecuentemente boet por wordo reparti. E por ta un poco tambe den ‘valsheid in geschrifte’. Ta depende di belasting ta dispuesto pa duna un keho contra di esaki, cu Cuerpo Policial por cuminsa un investigacion penal contra di e persona. Aworaki ta plachi di number mester pone y si esaki no ta e caso, manera ley ta bisa, e chauffeur mester zorg pa e plachi ta poni manera debe ser, conforme leynan di trafico.

Comments

comments