Aruba pa basta tempo ya caba ta un destinacion caro. Pero cu tur e taxnan cu a wordo introduci ultimo temponan, ta haci Aruba hopi caro, cu lo afecta e industria di turismo. Sr. Ben Marapin, economista ta amplia.
Semper turistanan ta bay keha, segun Sr. Marapin. Si wak e Revenue Per Average Room (REVPAR), esaki ta mas di 300 dollar pa dia y resto di Caribe ta na 200 dollar. Pero e occupancy rate a subi toch. E por ta un destinacion caro, pero e ta un destinacion sublime, cu nan ta dispuesto pa paga pe. Loke si mester traha duro ariba dje, ta combati criminalidad. Tin cu check pa nos muchanan, e forsa laboral, e productividad ta hopi abao. E nivel di enseñansa ta hopi abao. Sr. Marapin ta papia di un “Lost Generation”. Si wak e nivel di enseñansa di nos hobennan, e ta hopi abao. Sr. Marapin lo a spera pa a bin cu’n plan concreto pa e hobennan haya un upgrading. Hopi biaha cu papia cu doñonan di trabao, den sector hotelero, e muchanan cu ta bin traha, nan no tin e mesun gana cu e generacion anterior tabata tin. Awendia loke mester pa traha na un banco, no ta un smile grandi. Pero mester tin at least un MAVO. Y cierto caminda ta pidiendo HAVO caba. Y si no caba dos aña di MAVO, no por spera un trabao cu pago halto. Esey ta un factor.
Ta un factor psicologico, pa no bin mas cu tur e belastingnan indirecto manera BBO, BAZV, BAVP, ponenan hunto y traha un solo sistema di belasting, manera BTW, un sistema simpel. Esaki ta algo cu Sr. Marapin a bin boga pe pa masha tempo caba.
A spera cu e gobierno nobo, encabesa pa un fiscalista renombra na Aruba, manera Sra. mr. Evelyne Wever- Croes. Sra Croes ta un fiscalista y el a mustra su capacidad como Inspector, y ta jammer cu e no a bin ainda. Si no bin cun’e pronto, faltando un aña prome cu eleccion, lo no bin cu reformacion mas y tur cos lo keda manera cu e ta.
E cifranan turistico ta mustra positivo, y e hecho cu e REVPAR a subi cu 30 dollar, plus e occupancy rate cu tambe a subi, a pesar di cu a perde e mercado di Venezuela. Pa cu esaki, Sr. Marapin a bisa cu e mercado aki no lo recupera pronto, y e parti cu a haci mas dolor ta cu a crece a pesar di e caida di mercado di Venezuela, cu tabata e di dos mas grandi.
Tambe Aruba tin desaroyonan hopi positivo na Amercia del Sur, manera Chile, Colombia y Brazil, cu ta paisnan cu tin potencial pa Aruba. E mercadonan aki ta creciendo y hopi di nan por combin’e cu’n trip pa Merca. Eynan tin bon perspectiva, den e paisnan Suramericano aki, segun Sr. Ben Marapin, experto den economia.