TEXAS, Merca- Un grupo di civil di ultraderecha a anuncia plannan pa biaha pa frontera cu Mexico pa yuda Patruya Fronteriso na detene e caravana migrante.
Esaki segun informenan di Associated Press, cu a bisa tambe di e miedo di un posibel resurgimento di gruponan di autodefensa.
Patruya Fronteriso a adverti habitantenan di Texas cu nan ta sperando e yegada di civilnan arma na su propiedadnan, debi na e caravana segun e agencia a indica.
E cantidad di caravana a cambia hopi pero ta raporta di entre 4 pa 7 mil persona, aunke presidente Donald Trump a bisa su siguidonan di cu lo tin al menos 17 mil migrante, e mayoria for di Honduras.
“Tres activista a informa e agencia The Associated Press cu nan lo bay na e frontera of cu nan lo organisa gruponan”, segun el a indica. “Algun grupo a publica ariba rednan social manera Facebook advertencianan manera “imperativo pa tin soldaat riba e terreno’ of ‘Guerra. Proteha e frontera ya!’”.
E gruponan a afirma di lo tin arma cu nan y ekiponan cu bulletproof vest, pa yuda e patruya fronteriso.
“Nan ta hariendo nos den nos cara”, Shannon McGauley, presidente di e Minutemen di Texas a bisa, “Estados Unidos ta un chaos”.
McGauley a afirma di tin un grupo na tres punto di e frontersa sur di e estado cu Mexico, y ta spera di tin entre 25 y 100 persona mas den e proximo dianan.
Den e ultimo decada gruponan civil a ataca indocumentadonan cu ta crusa e frontera, aunke algun ta busca entreganan na inmigracion.
A pesar di e advertencia, na algun punto di e frontera cu Mexico a raporta cu habitantenan a pone mensahenan contra di “vigilantenan”, na kende el a bsia cu nan no ta bon bini.
Gobierno federal, mientras tanto, tin planea pa manda 800 soldaat extra di e 2100 cu ya caba ta eynan.