BRASILIA, Brazil – Ex capitan di Ehercito Brazilero, diputado y cu’n discruso ultraconservador, e candidato di e Partido Social Liberal (PSL) a logra e victoria sin e apoyo di e partidonan poltiico tradicional di su pais.
Cu mas di 55% di e votonan, e candidato di ultraderecha Jair Bolsonaro, dia 28 di october ta bira e di 38 presidente di Brazil despues di a logra e victoria den e di dos buelta.
E politico di 63 aña, naci na Campinas, Sao Paolo, ta un ex capitan retira di e ehercito Brazilero, cu desde 1991 ta representa Rio de Janeiro como diputado federal. Su ascenso como candidato a tuma luga den un ambiente contamia pa denuncianan di corupcion cu ta involucra figuranan di e partidonan tradicional di su pais, specialmente despues die scandal di Lava Jato, pa cual su discurso di “man duro” a convova un gran parti di e electorado.
Su apodo ta ‘Mito’ y varios biaha el a genera polemica pa su comentarionan homofobicos, machista y racista. Desde cu el a anuncia su candidatura el a mantene su mes na e di dos puesto di preferencia electoral, pero e ‘turning point’ a bin na momento cu e Tribunal Supremo Electoral (TSE) a nenga e ex presidente Luiz Inácio Lula da Silva a posibilidad di postula su mes pa candidato presidencial: e salida di e Partido di Trahadonan (PT) a push’e directamente pa e prome luga di e encuestanan.
Durante actonan di campaña caba e presidente electo a anuncia algun miembro di su futuro gabinete, esun mas celebra pa e mercado tabata e futuro ‘superminister’, Paulo Guedes, cu a priminti un politica di corte neoliberal na e miho estilo di e Fondo Monetario Internacional (FMI): recorte di e inversion social, reduccióo di tamaño di Estado y un serie di privatisacionnan.
Bolsonario tin fe den e proyecto cu e tin pa lanta e aparato productivo di un pais manera Brazil, cu no a logra bay bek airba e caminda di crecemento durante e era Lula.