Diasabra awor na veld di Bubali y Dakota lo hunga ultimo weganan pa dicidi ken ta bay den e play-off. Na Dakota lo start 5:30 cu e wega entre Brazil Juniors y United. Pa 7or lo sigui Barcelona contra Dakota y ultimo wega lo ta 8:30 Inter vs SCA. Na Bubali lo cuminsa 5:30 Teachers vs Caravel, sigui pa 7:30 e wega Jong aruba y Nacional. Pa 8:30 lo start Hooiberg contra Bubali.
E Campeonato 40+ di FEDEVETA 2016 lo wordo dedica manera ya ta tradicion na 3 persona. Nos lo rindi homenahe na Freddy Penate di Jong Aruba, na Irvin Gil di United y Jorge (Kiki) Motoya di Caravel.
Despues di e weganan lo start otro siman diasabra 10 September cu play-off na Dakota organisa door di Dakota Starzz.
E prome 8 team di e standing final lo bataya pa 3 siman pa saca e Campeon di 40+ FEDEVETA 2016.
Yega veld y disfruta di nos dushi futbol veterano.