E artistanan di Corsou lo ta dificil pa laga nan famia e weekend aki mirando e mal tempo cu ta acercando nos isla. Na Aruba tambe diferente actividad a wordo cancela pasobra tin indicacion cu e tormenta por bin afecta nos isla tambe. A base di esey mes a dicidi di pospone e comedia. E interes tabata grandi pa e comedia Byside y diaranson anochi a dicidi cu ta miho para tur tres show di e weekend aki cu ta diabierna 30 di September, 1 y 2 di October. Lo bay pone otro fecha. Esnan cu a cumpra ticket keda pendiente pa asina busca nan placa bek. Cualkier informacion yama 7334444 y asina lo duna e fecha pa busca e placa bek of cambia e ticket pa un otro fecha cu e comedia lo sigui na Aruba. Lo acerca Cas di Cultura pa asina mira ki fecha tin habri pa e grupo presenta e comedia.