Diahuebs 8 di November pa 8 or di anochi, Ateliers 89 Academia di Bellas Artes Aruba tas presenta su ultimo exposicion na Ateliers ’89 San Nicolas pa e aña aki. Cu e resultado di e workshop Pintura y Dibuho. Hunto cu e exposicion actual “Refleho Refleha” den e dos piso na Ateliers pariba pa diferente artista interesante local.
Si durante un luna e participantenan na e workshop di dibuho y pintura combina cu musica, lo presenta Diahuebs anochi e resultado di dicho workshop. Hunto cu e artista maestro Jonas Ohlsson den un manera hopi agradabel a bin ta reenforsa e habilidad di mira, sinti y scucha cosnan na un manera diferente durante e workshop. E artistanan mes a desaroya fuertemente nan expresion personal den diferente tecnica, manera pinta cu houtskool, pen, kleurpotlood, inkt y verf. Cu un resultado impactante, unico y diferente. Un deleite pa cada un cu lo por bishita e exposicion experencia, ya cu e obranan en general ta grandi.
Den nos segundo piso por mira e obranan di instalacion contemporaneo mas recien di diferente artista local afilia na Ateleirs ’89. Titula; Refleho Refleha, di cual ta ser bisa, cu durante e art fair, e presentacion aki ta esun miho mas fantastico pa mira den su totalidad. Un exposicion reflehando shete artista cu nan mes un refleho recien. Unda cada un ta mustra lo miho di nan mes. Den cual e camber di Irvin Aguilar ta algo espectacular cu bo no por perde. Esey no kiermen cu e otro artistanan ta pasa pa menos. Ta p’esey no perde e momento unico aki pa por bin presencia e fantastico obranan aki den un ambiente agradabel pa un y tur. No perde e chens pa bo mes dicidi si tur esaki ta berdad o unda bo por scoge pa bo mes cual ta mas miho o no. Bin San Nicolas pa mira tur e obranan di arte aki y asina engrandece nos arte y cultura. Bar y cushina lo ta bon surti y musica ta pa e master DJ Adriano Nanof. Mi kier a termina bisando un masha masha danki grandi na tur nos sponsornan cu ta haci nos workshopnan y nan exposicion final posibel.